ASSALAMUALAIKUM WR.WB

PALIAS SANES MAKSAD NGAREUMPAK TETEGON AGAMA.

IEU ACARA MEDAR ESTU RUMPAKA TAREKAH JALMA.

NU DIBUNGKUS KU SILOKA, BAKAL SILO MUN TEU DI BUKA.

MALAH MANDAR JADI BEKEL PARA WANOJA NU BAKAL NGAMBAH SAGARA RUMAH TANGGA.

PEPELING KA NENG …….., KU NGALANGKUNGAN ACARA SIRAMAN. SING JADI HIJI PANYIRAM TINU JADI KALOT, INDUNG NU KUNGSI NGANDUNG KIWARI MANJURKEUN KADEUDEUH NU PINUH KU RASA HARIWANG, HONCEWANG JEUNG KAMEULANG.

BAPAK NU SALAWASNA NGAYUGA, KIWARI NAMPOKKEUN RASA KANYAAH MARENGAN NGOLOCORNA CAI KAHEMAN NU BARIS MASEHAN RAGA SALIRA.

KAMELANG INDUNG, KAHARIWANG BAPA PRAK GEURA PATRIKEUN NA MANAH HIDEP WUJUDKEUN KURASA BABAKTI JEUNG TUMARIMA, SANGKAN ARANJENA TETEP TENTREM NYAWANG RUMAH TANGGA ANJEN SUGIH KU BAROKAH.

ANTELNA CAI PANYIRAM INDUNG BAPA SINGAJADIKEUN DOA NUMUJARAB PIKEUN RUMAH TANGGA ANJEN. KIWARI TINGGAL NGITUNG WAKTU MILANG KALA, NU MOAL LAMI ISUK WAKTU NUCUNDUK NENG ….. GEUS LAIN MILIK INDUNG JEUNG BAPA WUNGKUL, TAPI AYA HIJI PUPUTON NU BARIS MAWA NGAMBAH SAGARA ANYAR.

SING INGEUT GEULIS, MANGKAHADE  SAGARA RUMAH TANGGA ENDAH RASANA MUN NAHKODA PINTER MAWA KAPALNA, MUN OMBAH RONGKAH MAWA CILAKA, SING INGET KANU MAHA KAWASA, TONG LEPAS TINA TETEGON AGAMA. SING INGET POE NU AYEUNA. NUBAKAL JADI SAKSI INDUNG BAPA NAMPLOKKEUN KANYAAH, NYIRAM SAKUJUR BADAN, MICEUN SAGALA PATEKADAN ANU GORENG, DIGANTI KU RAKSUKAN ANU SUCI, MALAH MANDAR HIDEP JANTEN ISTRI ANU SOLEHAH, SING GAWUJUD RUMAH TANGGA ANU SAKINAH, MAWA’DAH, WAROHMA.

BRAL ANAKING NYANGKRUNGNA CAI NA BADAN HIDEUP MUGIA SING JADI PAMAGEUH RUMAH TANGGA HIDEP.

CAI TI GUSTI, DIROPEA KU MAHLUK GUSTI, PIKEUN NGABULKEUN NIAT NUSUCI. MUGIA WIDI TI GUSTI NU MAHA SUCI. AMIN YA ROBAL ALAMIN.

WASSALAMUALAIKUM WR.WB.